الشاعر عدنان ابورزاق الکنانی
ما نخاف امن المشانق مانخاف...
ای وحگ رب العلا وعالینه...
نطوی کل درب الصعب طوی الغزال...
ومانرد عنه ونضل هاوینه...
حنه ربتنه المراجل والاسود...
وعزم من ثدی الوفه اتغذینه.
نضبح الخوف ونشگ صدر الوغا.
ونعلگ الشر امن اذانه وعینه...
حنه حیدر سیف ویگط الرگاب...
وغیرت الکرار فارت بینه..
بینه یتراعد عزم وکت الحروب
ابغضب حمزه اعلل خصم هدینه...
صرخه ابو احزامین نصرخ مانهآب..
ونسحگ افچوچ العده تترینه...
حنه ذوالفقار من یرتع تشوف...
بیهم وتریع زلم بیدینه...
حنه حیدر صگر صگار الصگور...
ونملک الزینه وندوس الشینه..
حنه حیدر بلحرب یردح یصول
ولاتظن امن الحرب چا چینه...
حنه مگوار الصطر وجه الطواب
واثار الطراگ اعلل حلگ خلینه...
حنه مانرکع. ابد للذل محال....
حنه بس للله العلی رکعینه..
انخلی گصتک یا وطن تمطر نضال...
ونگلب الدنیه اعله حگنه ودینه...
ونگلب الدنیه اعله حگنه ودینه...
عدنان محسن الکنانیَ(ابورزاق)
شاطی الامل
*******************************
الدّلال...💕
یهتف بیک انته الدلال
غیر اسمک مایشغل بال
یل کلک طیب واحساس
من حبک تحسدنی الناس
یل صوتک بلبل وناس
لضنون الخابت بامال
من شفتک مصبح سکران
یا بوسه التروی الذبلان
شایه ه من حبک عدنان
ماتنشد حاله ابیا حال
شع بدرک شگ زیج الیل
الشافک ماضل بی حیل
حوریه وتمشی ابهل میل
طاووس امزین بشکال
خلیتک نجمه وبسمای
مانایم جفنی وبس حای
من دونک ضایع ممشای
للتایه انته الدلال
هم تذکر ساعه العصریه
بفیای النخله البرحیه
اطیتک ورده الوردیه
بیهه اتشم انته ومامال
الجور ویاس الممشاک
یتساقط عد جدم احضاک
حیاک البلبل حیاک
حیاک اببسته وموال
کل هذا وتجفی المحبوب
من عندک مایوم ایتوب
ماشایف گلبه امنیضوب
چن شمعه وصایر هل حال
ما نایم جفنی ابفرگاک
یهواک اگلیبی وراداک
ماگتلی شنهی البعداک
ضل دمعی ابعدک همال
یهتف بیک انته الدلال
💕💕
عدنان ابورزاق الکنانی
*************************
ــــــــــــ جروح اللاشفا لهن ـــــــــــ
بیّه اجروح ثارت ثورت العشرین.....
وعله اعیون الضمایر طشّرت فزه....
نامت عل مذله وسفه ذیج اعراب....
الچانت بلحرایب تردح ابعزه....
یا وسفه البطل شایل سیوف ابلیس...
ولابس ثوب حگ وچم نحر حزه. ..
وینک یا نبی وینک تعال اردود...
تعال الدین الحگ یانبی وعنزه...
اردتدت علوصیه وصارت ایهود...
وماتت الغیره ابعربنه ونامت ابیزه....
تعال اردود شکل خندق ابسلمان....
وعله ود المجوسی حیدرک دزه...
گلی امنین اجیبن للقدس کرار...
ویشلع باب صبره ویکسر الرزه...
ویرفع سیف الله ورایت الاسلام....
وارکان الطقات ایزلزلهه ابرجزه...
وگلی امنین اجیبن سعد بن وقاص..
وبیا صحرا ادوّر ینوجد حمزه....
گلی امنین اجیبن خالد وفاروق...
الخلو ابریج الخصیم امرار چزه...
وصلاح الدین سیفه الماترده اسیوف...
وملک الموت سیفه البلحرب دزه...
گلی اشلون اردّن قادسیه اردود...
وسیوف الصحابه العالم اتهزه....
خل یحله القتال ابصاحت افلسطین...
وکل عایل علینه ابخیلنه الّزه...
یالا یا عرب شکلو صفوف الموت...
بل لحظه الف مره تنضبح غزه....
بل لحظه الف مره تنضبح
غـــــــــــــــــــــــــــــزه....
عدنان محسن الکنانی (ابورزاق) شاطی الامل..💞
******************************
_____ قلمی ثائر--------
قلمی ثائـــــــــر... قلمی ثائر
قلمی دمه ابظیــــــــم فایر....
یشتل ابعــــــزم القوافی وتشرب ابروحه الجگایـــــــر....
قلمی ثائــــــــــــــر...
هوّس ابهوس نضال ویردح ابگاع المشاعـــر...
قلمی ثایر...
حبره. کحــــل دمعات الیتامه الباتن ابحضن الونـــــین...
ویعزف ابگلبی الخمیـــــــسی ابطور موعود الحزین...
هدّم افکــــارالسخیفه وماحضن خده التراب.....
حفــظ مای وجــــهه ومایبــدّی اهله الســـراب..
ینده اگلــــــوب الشباب...
شایل افکــــار التوعّی....
متحزّم ابســـــیف الجواب...
لابس اکفان الاســـــــود وجدمه صوب الموت غایـــــــــر...
قلمی ثائـــــــــــــــــــــــر....
قلمی قلــــم الطالب اقلام اتفاشـــــل...
گطّع ابصـــــــوت السناســــــل...
قلمــــــی باســــــل....
ابشعره مشط المــــــوت ناسل....
هدّم افکـــــــار السخیفه العلّت ابطل العمایــــــــــر....
قلمـــــــی سیف الطلّگ الغمـــــد ابمنامه وصاطـــر ارگاب الوزایـــــــر...
ذابح الخوف ابعــــــزم ریــــسان قلمی وثائر ابســــــــــــــتار ثائـــر...
قلمی ثائـــــــــــــــــر.....
قلمی ثائـــــر...
عدنان محســــــن الکــــــنانی.
..ابورزاق..
شــــــاطی الامل...
**************************
المایحس....
الما یحس ایموت خله ابلا ضمیر
وخل تشیعه اچفوف شخاطه وحرگ...
حته مایسوه البچی وتبچی علیه
وضیج مایسوه علیهه ثوب وتشگ....
الما ملک ذرة حمیه المن یعیش
ابحافر القمات گصته وتنسحگ....
المو کفوهه المن لبس ثوب الرجال
وبنفاه الصدر گله المن تدگ....
اترید راعیهه الشداید والوغا
موش ذاک الشرد لو شاف الفلگ..
..بیهه تطویلک درب ابزند الکفاح
.وبیهه ما توفی وعد وکت الصدگ...
بیهه عاشت بلعسر بس اغنیا
وبیهه باطلهه ابحرام افتح طرگ......
بیهه احرار اولدهم ماجدات
وبیهه قمان اصبحت قمهه الوفگ...
بیهه .ذبحتهه المنیه وماتخاف
وبیهه شالت چم عصه وترجف تطگ...
بیهه حست بلهظم لاکن تعیش
وبیهه برگاب الشرف خاوت شنگ...
بیهه قمه اتموت چن موتت نخیل
وبیهه شاصت مره ماربت عثگ،....
بیهه امن الفقر صنعت رجال
وصارت ابریج الصبر مره وشرگ...
وبیهه ثوب العار لبست من یهال
وبسطت وسفه ابشرف ابسوگ العتگ....
عدنان محسن ابورزاق الکنانی. 🎸
*************************
مابس اغیاب🚬
یمعود ما بس اغیاب...
ارجع یاخل اغلا احباب...
لرجوعک احسب لحظات..
مغرم ومشیه الصفنات...
تخنگ بگلیبی الاهات..
احچی ابهجرک بس اعتاب..
رد یمعود واغلا الناس...
ورده التضحک عطر الیاس..
هجرک ضیّغ شم انفاس...
وگلب الریه ابهجرک عاب...
یمعود مابسک فرگه...
ثوب الروح الاه ایطرگه..
یمته اتغیم تمطر ملگه..
وگاع الریح ازرعه اسحاب...
ارجع فطّر هجر اصیامی..
اهلالک عید ایزیح الامی...
ابهجرک ساهر جفن ایامی...
ارجع للهور الخنیاب....
یمته اتعود اتریح بالی...
وضّحک شفّة دلالی...
عمر الدمعه ابعینی اتلالی...
خاف اطیح اتشمت اجناب...
ناذر لو ترجع وتعود...
اترس حضن الدیره اورود..
یتحقق طلبی المریود...
مو صفحه افتح بیک اکتاب..
وید ابید انفوت ابحی...
وشواگ اطگ شی ابشی...
گلب الشامت شوف ایوی..
لو نفتح بلرجعه الباب...
خل نتمشه ابشاطی الشفه
ونتبلل بوسات وعفه....
حلگی اسنین الیابس جرفه..
عطشان او اروی لک ذاب..
عدنان ابورزاق الکنانی
***********************
ثوّر اعروگک کفاح🚬
یالا ثوروخل نشگ حلگ السکوت
ونفگس اعیون المئاسی ولمحن
یالا خل نصرخ نهز گلب الگبور
الچانت اجداث الزلم تنهض تحن
یالا خل نسرج عزم خیل الریاح
ونکسر اخشوم السحاب اتهل مزن
گوه نطلعهه الشمس رغم الظلام
الحافو ابسدهه عفاریت الزمن
یالا بن عمی اذا حی انته گوم
ماجدات البینه بن عم اطلگن
موصفینه ابحور بس ظاهرسراب
وبینه یفتر القهر عمر ابسفن
یالا دخّن ثوّر اعروگک کفاح
وانده افکارک مجدهه ابذل غفن
سودن اعنادک مثل جدک دثور
الساحگ ابمگواره ارگاب الفتن
اخلع اثیاب الغمد من السیوف
لمعت اسیوف العرب هیه ارعدن
یالا حیدر نرسم القدوه ونفوت
حیدر اچفوف الوغا ابچفه التون
نشلع ابواب الضلاله وخل ندوس
المجوسی اکلابه یاصوب انبحن
حنه سیف الغیّم ویمطر رگاب
ولجیوش اجباله من لمعه ارجفن
حنه اولاد الصحابه الماتهاب
النوایب الهم اوکع اسجدن
حنه سلمان ونعم حمزه الغیور
الاسود ابخزرت اعیونه اختفن
حنه جعفر جدنه مقداد وعقیل
مشاعل بلحرب لظّن طفن
وچم بلال انصیر واناذن فتوح
بباذر یاسر اندوس الشجن
یالا نتزوج مشانق یالا گوم
وباچر انخلفنه بلعزه وطن
عدنان ابورزاق الکنانی
**************************
📢قصیده ظلم السکوت📢
یمته لیلی اتفززه اچفوف الصباح
ونرسم ابخد الشمس درب وضوا
ونخلی ابخد الورد ترگص عطور
وتعطر انفاس الورد ثوب الهوا
کافی لیلی نایم ابحضن السکوت
ونباگت انجومک همس کلهن سوا
حته بدرک لیلی یتثاوب نعاس
ونته ییثومک تعرفه تعرفه منهوا
یالا فز ونخلع انگاب الیال
وشیبت راس الصبر عظمه خوا
کافی مانسکت ابد ظلم السکوت
والقهر فوگ المجد بانی اصهوا
چنه چف ایلاوی حته الصاعقات
وبنومتک یالیلی هل چف التوا
چان حافرهه الاصایل منتغیر
ایملش ابشعر التراب ابکل نوا
هسه مانسمع هلاهل لا صهیل
خلگ مجروح ونعیش ابلا دوا
علم چان ویرعب اگلوب الریاح
لو نشر گلب العدو منه انچوا
بحسره ضل ابنومتک شاف النهار
عیونه تنحت بس ترب عمر اللوا
نایم ابذله اظن دافی غطاک
وذیب حرمان السلف بذک عوا
طال حلمک وختبص عقل الطیوف
بیک یالیلی اشکثر حامل هوا
سیف عدنه تنحی اگباله السیوف
چان لو غاص ابوغا فخر احتوا
وبید حیدر لو لمع وکت الحروب
اتودع الروس الرگاب اشما نوا
وهسه زنجر بلقمد فاگد چفوف
ابنومتک یالیلی گصوهن سوا
لا متا نومک یلیلی ماتگول
عکازه شالت امنیاتی ابلا قوا
ونگشط جلد السنین اشگد نغار
وجرح موطنه بعد ملح ارتوا
عدنان ابورزاق
******************************
اشرب جیتک🚬
اشمالک یل خنت العشره
وشمالک ذبحیت اشواگی
امبسط وتبیع ابسرنه
وفاتح للشمات اسواگی
وتهدد کل قصنی ابفاسک
وچالیش اتغیر بنفاسک
انه ازارع طیب ابساسک
وضحیت ابکل عمری الباگی
لددثر ملح اعل جروحی
ولاتشعل کانون ابروحی
هجرک نار اتغده ابلوحی
ورماد اصبح بعد احراگی
هجرک سالب روحی ونومی
ویمته اتهل اتفطر صومی
وسنین ایمر حسّه ابیومی
وهجرک هلس شمل اوراگی
شمعه واصرخ دمعه ابنارک
عشقی البانی بیت ابجارک
منعدی یاخلی اشدارک
ویغیری گول انته اشلاگی
دمعه وشگت زیج اخدودی
ساهر لیل واه اگعودی
اصرخ وجاوبهه اصدودی
ماارجع ویطول افراگی
یل شاتل اه ابدلالی
وکل نهته اتشب نار احوالی
حقق فدوه اُمنیتی الغالی
اشرب جیتک وانته الساگی
عدنان ابورزاق الکنانی