الشاعرعلی السید حمید البوشوکه
قطـار الشـوگ رجعنه وردنه
البـساتين الزهه بیهن وردنه
مردنه افـراگ خلتنـه وردنه
ابنسیم الوصل نتشابگ سویه
علی السید حمید البوشوکه
*****
ریجی الفرگتک حنـضل ولک مر
مطیـع اشـما تگول انت ولک مر
وصلت الموت من بعدک ولک مر
گبـل لایــسـرع الجـــناز بیه
علی السید حمید البوشوکه
*****
ابکـبر شط العرب یا صاح همل
گلـب؛ و الجفن بل دمعات همل
عجـب منی تمـل اتــرید؟ همل
لــچن تسـتحیف او ترجع علیه
علی السید حمید البوشوکه
*****
انا انجــوم الظهر لجفاك شاهد
اون، وســأل علىّ الـجار شاهد
یگلــولي دهد عـل گوم شاهد
هذول أهلي اصبحوأ عدوان ليـه
علي السيد حميد البوشوکه
*****
اضل بل حـــزن بیـدر ماشفانی
و دوه الدکتور یـا خل ماشفانی
التفت چن سـوه حیـته ماشفانی
لئـن شابگ عـدوی او غدر بیه
علی السید حمید البوشوکه
*****
خبر يوصـل يشع ينتشر بلكون
منـيتي، و العـمر وياك بلكون
ماكـون ابسهوله اتـروح بلكون
اويا عزرائيـل نتعارك سويـه
علي السيد حميد البوشوكه
*****
الدنــيه العذبـت نفـسي شبیها
و یلـوم الما عرف روحی شبیها
ابـحلمی چن شفت واحد شبیها
حـضـنت الـنوم بلکــت یرد لیه
علی السید حمید البوشوکه
*****
عجب عمري خلص بالهم وفاته
الفرح و الحزن لـد چبدی وفاته
صرخ گلـبی احـس باچر وفاته
یشـیعونه الشـماته ابهـضم لیه
علی السید حمید البوشوکه
*****
الـدمع بفراگ ولفـی سالمانی
او چـف الدهر ماظـن سالمانی
تـظن بجفاک یــدعج سالمانی
عــراق أصبحت و التفـجیر بیه
علی السید حمید البوشوکه
*****
حـسافه الربع شو صارو یغشون
ابحیله او وجـــه للخدعا یغشون
ابچـذب لمن گرا الـمـلا یغشون
المـصالحهم بچـو مـو للزچیـه
علی السّـید حمید البوشوکه
*****
اکامش صرت بخلافک ولوفات
عـمری و ابدرب معثر ولوفات
تمنیت امن اموت أنـى ولوفات
ابحـــضنک و الگبر یحرم علیه
علی السید حمید البوشوکه
************