الشاعر جواد شریفی
اخو الماگال عنی اشطلب وشرد
سمع طگت الجنه وابتعد وشرد
رد من طحت بین اعدای وشرد؟
معا جنّاز یدری اشصاربیه
✒ک.جوادشریفی
*******************
ابوذیه هدیه الی الاستاذ نزارعوده خسرجی
الطیب ذات مثلک دوم ینزار
کلامک سیف باشط عیب ینزار
لون لزمیت قلم الشعر ینزار
القلم والورق یاخذلک تحیه
✒ک.جوادشریفی
*******************
ماتسوه یولفی ارجعلک اردود
جبرنی العیداجیلک والزم الباب
لحد الان تحچی ابغدرک الناس
اخجل والله اعدّک من الاحباب
✒ک. جوادشریفی
***************************
ابد ماچنت اظن ولفی یمل من
عشرتی وکاسی یاوسفه یمل من
عذاب وصرت کل باگو یمل من
حلاله و فرّح الشمات بیه
✒ک.جوادشریفی
**********************
لزمی القلم یا دنیه وکتبی
علیش الدمع اهلنه وکتبی
عدل بس لااضل واسمع وکتبی
طفل جوعان مات اشگد خطیه
ک.جوادشریفی
************************
شی لا للصداقه اتگول شی بل
شی بسیوف هدّت علی شی بل
رماح ، الشیب مو بلشعَر شی بل
گلب خله الجهال اتگود بیه
ک. جوادشریفی
******************************
چا لیش ابعشرتی اویاک شکیت
یولفی ابزعل لهلک رحت شکیت
عگب ذیچ المحبه انوب شکیت
رمح فرگاک ماضل حیل بیه
ک.جوادشریفی
*********************
گلبی الفرح بین الربع فضاه
لا اعتذر موبس فرح فض آه
انه اشهَمنی الخواتم ذهب فضاه
اذا سیف العسر گص یوز ادیه
الشاعر جواد شریفی
*************************
عاتبنی الگلب ینخانی احب اردود
نسیت الغدر گتله وهاذه نیشانه
طلعت التذکره خنجر الچان اعضید
ملحت ابصم ملح خلیته بمچانه
ک .جوادشریفی
***********************
ابجدر علنار افورن صرت کلما
امنّشوف الماهو گدهه ایگول کلما
وحدی ابلا صدیق اصبحت کلما
ملک چفین و ایسطرون بیه
الشاعر جواد شریفی
**************************
فی حق امام العلی (ع)
لیش اتضد علی گلی علیمن
حزن کَسر الضلع صایر علیمن
روح اسئل عله وانشد علی من؟
علی الکسّر اصنام الجاهلیه
ح.جوادشریفی
*********************************
فی حق امام العلی ع
عسه کلمن یضدنه ابمرض ینصاب
عسل بلریج اسم العلی ینصاب
الله ابیوم وصه النبی ینصاب
علی الکرار یعرّف بی حمیه
ک. جوادشریفی
****************************
غشنی الربع یا وسفه شکلهم
ولاعدهم اذن تسمع شکلهم
گصو وجّفو بقه عندی شکلهم
رمح وسط الگلب تذکار الیه
ک.جوادشریفی
****************************
وفی الشافک صُبَح ضنه بکلما
دَرَه واحچیلک ابظیمی بکلما
عگب هجرک عله حالی بکلما
دموم وصاح سولفلی القضیه
ک.جوادشریفی
************************
دمع لا دَم ترا عینی منصّب
علیک البلگلب غیرک منصّب
ابملح کاشخ صعد رمحک منصّب
وسط ظهری وحچه چم بیت بیه
ک.جوادشریفی