الشاعر كامل مهدي الزنبوري

الشاعر كامل مهدي الزنبوري

ذبحها احلام عمري الدهرمن دار

ابگومي وبلَم هم الروح مندار،،،

اشيع ابخور فرحي ابحزن من دار

هلي الچانت گبل بيهم زهيه

(كامل مهدي الزنبوري)

***************************

يروحي ابذهب شخص الزين قومي

ومن اسماطچ الخان الملح قومي

ماشي البي حميه وشخص قومي

ورفضي الما سعه وحس بلقضيه

(كامل مهدي الزنبوري)

**************************

اگصدت ملهوف اشوف الولف منعن

علي وعيون واشي السلف منعن

انكسر واهس فرحتي وبعد منعين

اشواگي ادموع أسه اتكت علوطيه

(كامل مهدي الزنبوري)

*************************

الي كل متكبر الذي يغتر بمنصبهٍ

(قصيدة تحدي القوافي كلمات كامل مهدي الزنبوري)

منهو انته وامدحك آنه بشعار

اتغشني ابمنصبك منك فلاهاب.

أنا عندي القوافي اتگول ناموس

اصيلات ومديم ايلبسن احجاب

ربن ببيوت كلهن ادب وأخلاق

اذا شافن غريب ايحطن انگاب اشلون اخضع الرايك انته وهمان

أنذرت شعري العزة هلي الأطياب

. چفن لبست قلمي حته لوموت

وراء الموت لااخجل بلحساب.

اتريد امدح جنابك انته غلطان

امدحه الي انقتل للحد ولتراب.

مااحتاج شخصك عمي للموت

التلاميذ اهمه دوم ابحاجه الكتاب.

شط ابداع انه البادع الا

اسلاح البيها احارب ناس الاجناب.

أنا اكتب مفرداتي ابللغه البارود

حته الخصم منهن ياخذاحساب.

أرضعتني امي شعروتأذن ابصوت

ابحلگ ذاني هجاء موغنا وياياب.

اعشگت درب المنايه وحچي الحگ دوم

عشگ امضيف من تعشگه الشياب.

مهرة شعري تجفه اتسابگ الريح

اصيله امچبشه ومن نعم الانساب.

أذا شَدَت اخيول الخصم بلسوح

تغير ابكل فخروتنول الأعجاب.

حبرقلمي دمه السايل عله الگاع

دم أهلي النشامه الضحو ارگاب.

من اكتب بيت شعري اچلمي اتفوح

عطرلن دم شهاده ابشعري ينجاب.

سيف اشعاري اشهره ابوجه الاعداء

 ولاخليه ساعه ايضل بلگراب.

ضميرالشعر مابعته الأجل مال

الصگرمجَدته بس مامجدَ الغراب.

حت لويذكرون اشعاري فديوم

كلها اتگول عفيه وحلگه لاعاب

(كلمات كامل مهدي الزنبوري)

***************************************

يخي ناقوس وصلك ليش مارن

الي ورياگ شوگي اعليك مارن

اظعونك امس يوم العلي مارن

انطفه اسراي الامل من رحت بيه

(كامل مهدي الزنبوری )

**************************

نطينه ارواح بس منگول منطين

الوطنه انشيل حمله ايريد مَن طن

صحيح ابيوت عدنه ازغار منطين

لچن بيها الاخو ايحن اعله اخيه

(كامل مهدي الزنبوری)

*******************

کتاب الصبر حدیمته بکتلی

اعجزت ولناس بس تحچی بکتلی

بس امی من عکس دهری بکتلی

ابسبب شافت بیادر هم علیه

 کامل مهدی الزنبوری

***********************

بألم ناقوس هجرانك يرنما@

بطل ودموعي دم لتظن يرنما@

چلم عتبي اشكثرصرن يارن ما

@اسمعن منك جواب ايرد عليه

(كامل مهدي الزنبوري)

**********************

: الحزن بجفاك يمدلل حلمچان

الفرح واوياك احس عمري حلمچان

رحت ولحال بغيابك حال ام چان

اعله گبراوليدها اتناشق خطيه

كامل مهدي الزنبوري

***************************************

قصيدة نصيحة خل

(ك:كامل مهدي الزنبوري)

جرحك لاتأمنه ابحلگ سچين.

لان طبع الخداعه ابذاتها ايدور

. صك فم الحچي واسمع حچي الغير.

ابمجلس ماتعرفه القول محذور.

ذان اليل تسحب دوم الاسرار.

اتجنب يمها لاتكشف المستور.

بحبال الأمل چتف اليأس حيل.

ابطموحك ذله واعليه دوم اخذ دور.

الغرور الناس عنه اتگول موزين.

بس مايذل روحه العاش مغرور.

ابوجه يضحك اتلگه ورحب الضيف.

وخل چفك يصافح چفه مسرور

. حل باب الگلب للزين والشين.

تحظن كلمن اتعناها الگبور.

اليتيم اببوسه تحتل گلبه للدوم

ويوَدع كل حزن لوچان مقهور.

النهرتدري النهر ينتحر لوما.

ادقدق ضفته وتضحكله الزهور.

ابحديقة كل گلب ورده اشتل ابطيب.

وجبرخاطره الي اتشوفه مكسور.

عين الشجرتهمل دم اذا يوم.

تسمع حس ونين ابصوت الطيور.

لاتشبخ اسياج الحگ تره. اطيح.

ولتحگره الكبَرلوعندك اقصور.

اذا تعلَه ابمقام اعطف عله الناس.

الشمس كل ماعلت تزداد بل نور

(كامل مهدي الزنبوري)