الشاعر کمال المیاحی
أنه امزامط أجي الیله_وکحلك
وأشوفن عینك الحلوه_وکحلك
أنه الیله وکح صایر_وکحلك
دصیر انته الذنب خلي علیه
.
.
کمال إلمیّاحي°
*******************
أحس اهوای متغیر هل أیام
متگلي حبیبي انته اشجرالك
نسیت انته الوعد من گلت شرطین
یطمني تراب لو صیرن حلاك
خنت الوعد بیك السوچ ماگول
بیه السوچ بالغت ابدلالك
منك غار هذا الگالك هیچ
وسوس بذنك او مدري اشقرالك
چنت شمسك وضوي بس أجه الغیم
سد موبس ضواي انسد خیالك
شایل خشتك متگلي اشبیك
اظن مغرور صایرلي بجمالك
واذا راید تحب واحد بدالي
مو واحد احب عشره ابدالك
متکبر علي کلش هل الیام
هل أیام انته متکبر شجالك
اطخن راسي الك کل ظنك ابهاي
بالك وین راح انته اشعبالك
اذا فد یوم رت اتشوف اطخ راس
تعال و شوفني بس ابصلاتي
رخیصه الدنیه عندي گبال رب الکون
و بس ربي الأعدنه غلاتي
صح ماني حلو بل شکل یفلان
لچن أخلاقي بل باطن حلاتي
خنت بیه خیانه اتعدت احدود
عله حالي بچت حته شماتي
ربي أرجوك بس ملیت هل حال
بعد ماتسوه اظل عایش حیاتي
ربي مو گلت عل الناس حگ الموت
ربي الیوم اریدن حگ مماتي
.
.
کمال إلمیّاحي°
**********************
شکثر__یعگوب__تانه
راح أتاني
صعب__حبك__وأحسه
راحتي آني
گلت__ناسیك__لکن
راح ، أتاني
رمّشت أعیوني ذکرك رد علیه
.
.
کمال إلمیّاحي°
*********************
اللّه اکبر
عميت اعیوني خاطر
ما أشوفك
گلت ماشوف وبالي لگی
گلت أنسه ونسیتك
وآنه ناسیك
ارد کل لحظه اذکر نسیتك
.
.
کمال إلمیّاحي°
***************************
یا صاح من شفتهّم حسبالي طیف#وهم
من صدگ طلعو ترا ظلیت عاشگ#وهم
گمت آنه اهم شکثر ردت آنه اشوفن#وهم
رت احچي لکن أنه ماحرکت#شفتي أنه
بگلب گتله نحب یعني انته ما#شفتناه
للأسف ماکملت واحد أجه#شفت أنه
مني خذاه وترك احزان بیه#وهم
.
.
کمال إلمیّاحي°
************************
إنه ذیب الذي ما دِنگ الراس
وإنه ذاك الي زامط فات بزماطا
هسه الراس نازل زامطت بوش
لئن صاحبتي طلعت وحده مقطاطا
کمال إلمیّاحي°
********************************
: انتي ماتدرین بیه شگد أغار
حته من روحي أغار آنه علیچ
او لا تسئلیني بعد کمولي وین
گمت أغار اعلیچ مني و ماأجیچ
الشاعر کمال المیاحی
**************************
عیوني اجروف عل خدین#صبي
دم مو دمع من أجفاه#صبي
حبیبي الي عشگته طلع#صبي
وإنه مسلم دگلي شلون بیه«
کمال إلمیّاحي
***************************
عیوني دم مو دمع عل خد#لویرن
لو تشوفك ویه غیري#لویرن
تدري رقمك عله الهاتف#لویرن
ابقه طایر وی طیور الطایرات
کمال إلمیّاحي
*************************
شفت عینه کأن شمساً
«شعت بي»
طحت ارضاً بعد جسمي
«شعت بي»
رحت للناس و بحبه
«شعت بي»
ما..صدگو..حگهم..جاهلیه!
کمال إلمیّاحي°
**********************
: من احچي بکلام آنه#من اسطر
احچي بیوت دیواني#من أسطر
شجالك زامطتني انته#من اسطر
چف عباس ابن حامي الحمیه...
.
(حشه القاري)
.
کمال إلمیّاحي°
***********************
: یا صاح من فرگتك هم سکن گلبي#وجر
لیلیه اسهر الك موال اکتب#وجر
صبري آنه في داخلي لکنِ صبري#وجر
وبنار احس إشتعل وکثر بعد#مإتبي
وشنهي السبب ماتجي خاف أنكِ#ماتبي
الگلب خلّص صبر حبك لقد#ماتبي
وأقرالك الفاتحه لجل الثواب#وأجر
کمال إلمیّاحي°²
**************************
: ساترني اللبس بل حال#عضمن
السبب لچمات أخوي اهواي#عظمن
هد چلبه علي و یگول#عضمن
اجه_اطمش_ضحك_تالي علیه...
.
.
.
کمال إلمیّاحي°
*************************
: أندفن کرسي ارتوت منه#کراسي
الحقیقه بیضه و أمبینه#کراسي
العافو وطن مو شیله#کراسي
إلبسو_طبعاً_لئن_لبسو_قضیه...
.
(حشه القاري)
.
کمال إلمیّاحي°
***********************
: بسك لا تلح کافي#ملحتك
ملحنه اشفاد ماغزر#ملحتك
تعرف لیش بسهامي#ملحتك
»تعدن للوراك و صار الیه«
کمال إلمیّاحي°
************************
....تعاااااااااااال....
امحضرلك غزل_#دیوان
منه_أقریت
بس_فد_بیت
شفت اطلگت_#نسوان
.
.
.
کمال إلمیّاحي°
***********************
: ماشي_ماشي...
_وین ماشي؟؟؟
آنه ارید امشي#بعید...
_کفنه یابه ارجوك#هید !
یا اهید أجروحي آنه مثل ماتمشي الثواني بیه کل لحظه#تزید...
وانته جاي اتگلي#هید
ماشي_ماشي...
_وین ماشي؟؟؟
شبیك عارضلي#اشترید
_گلي لیش انته#عنید!
اي نعم طبعاً#عنید
لئن الحبیتهم حب الحسین هسه صارولي#یزید
جایني اتگلي#عنید
ماشي_ماشي...
_وین ماشي؟؟؟
هم رجعلي من#جدید
انته خو تدري الحلو مادرك حبي ایجوز تدرکني#العبید
ماشي اسافر#للعبید
ماشي_ماشي...
_وین ماشي؟؟؟
و علي کررها#عدید
گتله اگلك فد بوذیه وانته فسرها
وبعد لتگلي#عید...
ماشي لا تگلي#عیدماعید
وأنه ابعاشور صحتو#عیدماعید
گتله لا تگلي#عیدماعید
گلي وما گلت قفل البوذیه...
.
.
کمال إلمیّاحي°
********************
: أحب لدوم اظل گاعد_عدهلك
الي عدوان صارولي_عدهلك
مرض حبك وصل لهلك_عدهلك
وصرت مدمن علیك آنه_ویهلك
وعلیك الگلب ظل یهلك_ویهلك
مصیبه انته بصغر سنك_ویهلك
اذاً طرگاعا لو تصبح_شبهلك
حگهه الناس مجنونه_شبهلك
چذب مایخطر ابالي_شبهلك
بس انته الأحبنك_منهلك
وگلي اتعیني بحبك_منهلك
ارید اطلب طلب واحد_منهلك
وعلي یاطلب لو تصعب_بسهلك
ورحب بیك من احچي_بسهلك
هلي قبلو عله کلشي_بسهلك
عله کلشي ارفضو گلي_فمهلك
وحبیبي أرجوك لاتمشي_فمهلك
عبالي من اجي آنه_فمهلك
تسده بکثر ما اسمع_هلهلك
هل اهلك وسوسو بذنك_هلهلك
هل اتظن ابقه من بعدك_هلهلك
اهلك طبعاً امشي انته_خلهلك
واهلك خل یفیدونك_خلهلك
یمکن غیري شافولك_خلهلك
ویمکن فکرو زفتك_إلهلك
إله أهلك یکتلوني_إلهلك
وإله الموت یاخذني_إلهلك
ویطلع نعشي وی زفتك سویه
.
.
کمال إلمیّاحي°
*****************************
: بیه حسرة چان بس گلبي اهلهه...
عشگت أصبي من #سلفهه
گلت عادي
چه عزیزه
یلا من باچر #ازفهه
للأسف خانت بهلهه...
وتالي خاناها #ولفهه
کمال إلمیّاحي°
*********************
: ماشي_ماشي...
_وین ماشي؟؟؟
آنه ارید امشي#بعید...
_کفنه یابه ارجوك#هید !
یا اهید أجروحي آنه مثل ماتمشي الثواني بیه کل لحظه#تزید...
وانته جاي اتگلي#هید
ماشي_ماشي...
_وین ماشي؟؟؟
شبیك عارضلي#اشترید
_گلي لیش انته#عنید!
اي نعم طبعاً#عنید
لئن الحبیتهم حب الحسین هسه صارولي#یزید
جایني اتگلي#عنید
ماشي_ماشي...
_وین ماشي؟؟؟
هم رجعلي من#جدید
انته خو تدري الحلو مادرك حبي ایجوز تدرکني#العبید
ماشي اسافر#للعبید
ماشي_ماشي...
_وین ماشي؟؟؟
و علي کررها#عدید
گتله اگلك فد بوذیه وانته فسرها
وبعد لتگلي#عید...
ماشي لا تگلي#عیدماعید
وأنه ابعاشور صحتو#عیدماعید
گتله لا تگلي#عیدماعید
گلي وما گلت قفل البوذیه...
.
.
کمال إلمیّاحي°
*****************************
چنت أعرفك اکثر امن أمك وبوك
وچنت ماضیّك أعرفه وحاضرك
طلع ماعندك وجه عندك وجوه
امنت بیك انخدعت ابظاهرك
چنت من اللّه گبل طایح بدي
هسه مني بعید یاهو الشامرك
چنت انته بکیفي وشمارید اگول
تاخذ احچایاتي محبس فارك
چنت حته الیل لو راید أنام
لحدما اغفه اظل امناظرك
هسه من صار الصبح وآني صحیت
مالگیتك بیدي واحد جارك
جارك مو جره حته الحب خذا
لیش وك رخصت حته اسعارك
چنت ساطرني ابجمالك یا جميل
وآنه هم چنت ابمحبتي ساطرك
یعني معقوله یجي واحد غریب
آنه اصیرن عادي هو الساحرك
تذکر آني من حچیت اعله الزواج
گتلي اصبر ، گلت صار امناطرك
صرت انتظرك شته وصیف و ربیع
و لجلك اتحملت برد و حارك
وهو ملاني الصبر مو آني لا
آني گتله اصبر مثل ما صابرك
جایلي ابحلقه تبشرني انته بیش
ادري جاي اتگلي واحد ماهرك
گلت هاي اجزات تعبي قهر صار
اتگلي قسمه شبیدي چا آنه القاهرك
روح دور ثاني متانیني لیش
لا تتاني شبیك یاهو الجابرك
یعني هیچ ارخیصه کسرت خاطري
وآني عفت الناس کلهه الخاطرك
چنت گاع و بیر حفریتك بدي
صفه مایك هسه للماحافرك
آنه دویتك شمع تضویلي لیل
موش تحرگ علي بیتي بنارك
چنت قافل داري عطرك لا یروح
هسه اشمن عطر غیري بدارك
چنت لو ماخابرك تبچي علي
هسه شو مشغول کل ماخابرك
چنت یومیه تجي زهورك بدیك
تنطي هسه المن گمت بزهارك
چان گلبك سلف عایش بي وحید
هسه غربه انترس وآنه امسافرك
کمال إلمیّاحي²
******************************
: وحگ الحسنین و امهم#فاطمه
ابگلبي حبچ غیر حبچ#فاطمه
أنتي بس أنتي حلالي#فاطمه
والبنات بعیني اشوفنهن خوات
کمال إلمیّاحي°
**************************
: زعل، رجع ، إزهاري # بسته بسته
و علیه گمت آنه أغني # بسته بسته
حبیبي الیوم أجاني # بسته بسته
»وطلعت بلحلم وشصار بیه«
کمال إلمیّاحي°
*************************
: علیك اتعودت یأماي#یاباي
بُعد وجهك علي بس حزن#یاباي
ردت تمشي وتگلي باي#یاباي
مشیت انته ولهسه أتومي إدیه
کمال إلمیّاحي°
*************************
: فدوه جاوبني حبيبي لا تخلیهه#سکوت...
شوفني آني...
من کثر ماگمت إتاني...
عله اچتافي...
بیت باني#العنکبوت...
الشاعر کمال المیاحی
***************************
: #حسرة وداع
شلون أگضي الیل بعدك والنهار
وبیش اصبر الروح عني لورحت
ردت بس کلمت وداع وهیه هاي
و غیر هاي اوداعتك لا ما ردت
سافرت انته وخذت کلشي معاك
ارد اگلك ناسي شي من سافرت
سافرت انته وعفت حسرة وداع
ماگلتهه انته و لا آني گلت...
من سمعت الخبر گلت اللّه معاك
یعني حته اللّه خذیته من رحت
حته ربي زعل مني ، من وراك
لئن بیت الفات کفاره ادفعت
عادي کلشي ایهون لجلك یل حبیب
یل خذیت ویاك کلشي وماعفت
عاد اخذت ویاك حته الحسرة های
بیه باتت واللّه احس روحي متت
چنت کفار لا أصلي ولا أصوم
هسه من فرگاك یومیه صمت
و گمت أصلي ودعي ربي وستغیث
ربي رجعه گبل خو کافر چنت
یلي ادعي الخاطرك یومیه هیچ
فدوه احچهه گلي بسك لوخنت
یل تنام الیل غارگ بل أحلام
آني ویه النوم گوم و زامطت
گبل تذکر عمري بل عشرین چان
هسه لا ترجع بعد شایب صرت
واللّه ما أدري شگلك بس ، اگول
عاشت ایدك من رحت ماقصرت
بعد ما اکتب شعر المن یفید؟
هذا بیت الهات منه وتممّت...
حگك انته اشصار بیه #ماشفت
جروحي من یوم العفتني
ماشفت
ماشي أفت حسرة وداعي #ماشفت
ابجگاره وانفخ الدخان هات
کمال إلمیّاحي°
*****************************
: چان حبنه من طرف واحد معاچ
سکته مانحچي گیضینه إسنینه
سکته حگنه ابد مانحچي نخاف
انموت اذا اتگولین ما تردینه
جبنه کل العمر انسولف معاچ
وانتي ما مره فهمتي إشبینه
السوچ بینه ماسمعتي اشما نگول
بل گلب لو نحچي متسمعینه
غیر هاي اعیونه اتسولف معاچ
وانتي مدري اشبیچ متفهمینه
صفه من هذا عشگنه بس حلم
لا یجيبچ إلنه لیودینه
مو حلم کابوس لو غیثوم هذا
لیش ما نوصل إشما رکضینه
واللّه عمي اتعذبینه کافي عاد
کافي من الحلم مو ملینه
شهگه من الحلم لیلیه نفز
شهگه ونجر نفس میخلینه
گبل هیچ الحال متعذب علیچ
هسه مخطوبه انتي شتظنینه
کمال إلمیّاحي°
**************************
: یروحي الّي تحبینه وج راح...\"
مثل کاغذ ورق،احترگ وج راح\"
عافاني
حب ثاني
گتله ارتاح
گام وراح
من گلبي
نکر حبي
علیمن هاي
چان ویاي
هسه بعید
شوگه ایزید
مو معقول
احس مذلول
باگ الروح
عاف اجروح
اموت اعلیه خلاني
تالي العشگ خاناني
واِنه امتاني
ابچي اعلیه شافني
دمع تمساح
منه الطاح
وآآآنه العمر
جبته ویااه هاك اجراح وجراح\"
وهو بظهري خناجر زرع بیه...
الشاعر کمال المیاحی
*****************************
: یروحي الّي تحبینه وج راح...\"
مثل کاغذ ورق،احترگ وج راح\"
عافاني
حب ثاني
گتله ارتاح
گام وراح
من گلبي
نکر حبي
علیمن هاي
چان ویاي
هسه بعید
شوگه ایزید
مو معقول
احس مذلول
باگ الروح
عاف اجروح
اموت اعلیه خلاني
تالي العشگ خاناني
واِنه امتاني
ابچي اعلیه شافني
دمع تمساح
منه الطاح
وآآآنه العمر
جبته ویااه هاك اجراح وجراح\"
وهو بظهري خناجر زرع بیه...
کمال إلمیّاحي°²
*****************************
: #بحقد حبك ، گلبي گلبك
«یوملاء»
#عندي حبك عیب یرخص
«یوملا»
#يوم لو ماشوفك آني
«یومي لا»
ینحسب لن نصبو اهلي الچادرات
کمال إلمیّاحي
*******************************
: #ویه کلمن احچي قصتك
«مایجن»
#شلون راید عگلي بعدك
«مایجن»
#من رحت صفناتي راحن
«مایجن»
بقت تتراوح علي صفنة ممات
کمال إلمیّاحي
********************************
ارد اسولف بس شسولف ؟
گلي من یا ظیم افوت ؟
وآنه خایف بس اسولف !
بل الجمع واحد یموت !
خل اسولف عن قسمتي
العین ملت من دمعتي
وشردت دمعاتي کلهن بسکوت...
خل اسولف عن نصیبي
عله جرحي المن طبیبي
عله الخایني حبیبي
وآنه اذکره من اصلي بکل قنوت...
خل اسولف......
لا بعد کافي السوالف....
ماأظن واحد بگدي منکم انتم ظیم شایف
هاي چلمه امن السوالف بعد ما أحچي آنه خایف
ردت احچي...
گمت ابچي...
وسمعت واحد ینادیني کمال
فدوه ارجع...
اذا تسمع ...
کافي تتشاقه تعال
من ذکرتك های هیه ...
یعني اجتني آنه المنیه...
ویعني چنت احچي ویه روحي ال ربعي ما سمعت صوت...
وآنه خایف بس اسولف!
بل الجمع واحد یموت...
....
لشاعر:کمال مهدی إلمیّاحي
*****************************
ضیّعنه لجل حبه
«صبانه»
مثل تمثال وبکیفه
«صبانه»
صرنه المای اله بصحراء
«صبانه»
غشیم و ماعرف معنه
«گلبنه»
نسینه وصفحه اله بیضه
«گلبنه»
جریناه لا یوگع
«گلبنه»
سحگنه و ضحك سنه
«من تعده»
ویگلبی لا تعاند
«منته عده»
بعد ویه الشماته
«من تعده»
لئن ویه الیحبهم
«مایعدك»
وراك ایظل یگلبي
«مایعدك»
لون ابصحراء صایر
«مای عدك»
نموت اهون وله الذله اعله میه
لشاعرها:کمال مهدی إلمیّاحي
***************************
گلب جاراتي اعلیه
«ولك ذاب»
علیهن مایحن گلبي
«والك ذاب»
صدگ حنن وکذبهن
«والکذاب»
اذا منك حقیقه اتصیر الیه!
..
لشاعرها:کمال مهدی إلمیّاحي
*****************************
حگي من اغمن حیل
«قصتي»
لئن محد فهمه ودرك
«قصتي»
اشو بل مای مو بلزاد
«قصتي»
واشرگ بل هوا من تمر علیه_
..
لشاعرها:کمال مهدی إلمیّاحي
*************************
ماتدري مرض بحشاي
«حطیت»
من یوم اعله غصن الغیر
«حطیت»
جبت صخره بمکان الگلب
«حطیت»
طلع گلبك صخر طبگن علیه¦
..
لشاعرها:کمال مهدی إلمیّاحي
***************************
#تعال أقرا بدلیلي
«طالع انته»
#اغله الناس عندي
«طالع انته»
#من گلبي وین ماشي
«طالع انته»
#اذا تمشي انته تاخذني المنیه.
..
لشاعرها:کمال مهدی إلمیّاحي
************************
: #شمالك عشگته یاگلب
«بس سلم»
#عفت المصاعد وصعدت
«بس سلم»
#وک اخسرت حبه حجر
«بس سلم»
#جام انته خاف انموت بس تتکسر...
..
لشاعرها:کمال مهدی إلمیّاحي
************************
: #صرت آني ابغیابك
«ماهو آني»
#السبب فدیوم گلبك
«ما هواني»
#تگدر تنسه صدگ
«مو هوا آني»
#بشر مثلك تعال افحص علیه!
..
لشاعرها:کمال مهدی إلمیّاحي
*********************
: #روحي اتگلي لا تکتب
«یمجنون»
#مثل لیله وعلیه صاحت
«یمجنون»
#صرت مثل الطفل صافن
«یمه جنون»
#وتخّیل بعد انته اشصار بیه؟
..
لشاعرها:کمال مهدی إلمیّاحي
***************************
: وین رایح صدگ ناوي تعوفنه؟
لو رحت ینهجم قصر اطیوفنه!
#لورحت مو مشکله...
#لو ترد کل الهله...
بس حسافه ویه الغریب اتشوفنه
وین رایح صدگ ناوي تعوفنه؟
..
لشاعرها:کمال مهدی إلمیّاحي
****************************
: گلبي عوف الراح ماینفع بعد!
هو مثل الراح فوگ التل صعد؛
هو عد روحه چبیر...
واحنه النشوفه صغیر...
ذاااااك هو...
ذوله احنه...
وهذا حظنه الماگعد؟
گلبي عوف الراح ما ینفع بعد!
..
لشاعرها:کمال مهدی إلمیّاحي
**************************
: جایه اتگولین اعوفنك ترا؟؟؟
الدنیه هیچ ویای صارت مسخرا
#آني ربیتچ بدیه...
#آني سویتچ أمریه...
هسه تتکبرین صرتیلی مرا؟؟؟
..
لشاعرها:کمال مهدی إلمیّاحي
**********************
: میلت منگدما اتانی و ماتجین
کافی جبت العمر کله اگصاصه
راح اجیبن غیر وحده ابراسی ماعدچ حنین
راح اجیب ابراسی فد رصاصه
..
لشاعرها:کمال مهدی إلمیّاحي
****************************
: بل شعر ردنه نوصفك شفنه داخت بیك کل ابیاتنه
بل حچي منردنه نحچي ماگدرنه احنه نحرك اشفاتنه
#لو یوم من حینه تفوت...
#الوادم البرا تموت...
او من وراك اندگ قطع اللّه یرحمها جمیع امواتنه...
..
لشاعرها:کمال مهدی إلمیّاحي
******************************
: مالتی و للموت اصیحن مالتي
او من خذته شتظن،خربت حالتي
#السبع یبقه سبع
#والظبع یبقه ظبع
وروح تتهنه خذیت افضالتي
..
لشاعرها:کمال مهدی إلمیّاحي
***************************
: جمال البیك ابد منه مموجود
واعتقد ربنا ختم بیك الجمال؟
اذا انته من شافك داخ یوزارسیف
گلی اللّه یساعدك میت کمال!
..
لشاعرها:کمال مهدی إلمیّاحي
*************************
: حرت شهدیلك و شکتب یا حبیب
گلبت بشعاری کلهن دوریت،،،
وجای اگلك حیل تعذرنی،لئن
غیر کلمت آنه أحبك مالگیت...
..
لشاعرها:کمال مهدی إلمیّاحي
*************************
: #غیابك مثل برزخ
«مرعلیه»
#بغیابك صفه الحالي
«مرعلیه»
#ملكت الموت اجاني
«مرعلیه»
#شفتك ماتجي رحنه سویه!!!
..
لشاعرها:کمال مهدی إلمیّاحي
***********************
: انته هنیالك نمت من دوني...
و آنه گلي شلون أنام بدونك#
آآآآخ لو اطیك هاي اعیوني...
واللّه فد لیله وتشلع اعیونك#
..
لشاعرها:کمال مهدی إلمیّاحي
***********************
: #انته حسبالك مشیت
ابشوگي ازیدن لك ؟
#خل یرتاح بالك ما أردن لك !
وأخذ حچایتي یا گلب
عوف الراح...
ظل مرتاح...
««أحسن منه اجیبن لك»»
..
لشاعرها:کمال مهدی إلمیّاحي
****************************
: آنه اگلك روح یل راید تروح...
واخذ کلشي اترید ظل براحتك
آنه گلت براحتك قصدي بلبیت
آنه من الگلب اصلاً شاحتك...
..
لشاعرها:کمال مهدی إلمیّاحي
************************
: #الدنیه تفتر بلعکس
.
#الغلط سمته صحیح
.
#الیرکض ابحمله تجي
اتگله بالك لا یطیح
.
#والنایم اسنین ابهنه
اتگله ظل نام استریح
.
#الدنیه تفتر بلعکس
.
#وخاف من عدهه نطیح
.
#الدنیه بل صاحي تشافي
واجت تجرح بل جریح
.
#اتصدگ الچذاب گامت
و چذبت کلمن صریح
.
#الدنیه هايه
اجت دگت علی رایه !
ذلت الزینین چنهه
ولل اغم صارت ولایه
آآآآآآآآآخ کلشي انعکس بیه
تعدو الچانو ورایه
#الدنیه هایه
انتهت من البداية
وراح تبدي من النهاية
.
#ویعني میت هسه آنه
وعله الدفنوني شصیح
.
#الدنیه تفتر بلعکس
الغلط سمته صحیح
.
.
لشاعرهااا:کمال مهدی إلمیّاحي
**************************
آآآآآآآآآخ
گلتي الیوم اجو زفوني
وآنه گلت ابیومهه ایدفنوني
انتي گلتي زفتي
وآنه صارت دفنتي
تعاي شوفي ابعینچ ایغسلوني
آآآآآآآآآخ
گلتي الیوم اجو زفوني
.
شمحله زفتچ من تمر
وآنه زفتي للگبر
خلت اهلچ تبچي من شافوني
آآآآآآآآآخ
گلتي الیوم اجو زفوني
. آآآخ گلتي شگد صعب
گوه جبروني غصب
اللّه لا یرضه عله البعدوني
گلتي ردتك قسمتي
وآني طاحت دمعتي
وانتي تبچین و اگلچ کافي لا تبچین بعد اعیوني
آآآآآآآآآخ
گلتي الیوم اجو زفوني
.
.
.
هیه قسمه وانته ما مقسوملي
کمال إلمیّاحي°
******************************
: یلا یا ربي بعد شمتااني...
رجع ابویه واخذ روحي آآني...
یلا یاربي دخیلك آنه اصیح
رجع ابوي وخلهه بیه آني تطیح
مثل اسماعیل سویني ذبیح
خل اروحن فدوه للرباانی...
خل اروحن فدوه ماکو مشکله
آنه قابل روحي کلهه افدیهه اله
تعتب امنه اتگول چنت امدلله
هسه ابوکم لیش چا عافااني...
.
یبویه الخاطري ارجع
تعال ارجوك اذا تسمع
بیچت اعلیك ماینفع
حته البچي ملااني...
یبویه متت من قهري
علیك آنه انکسر ظهري
ما اگدر خلص صبري
حته الصبر خانااني...
.
یلا یابویه اعله گبرك آنه جاي
لو اظل اهناك لو ترجع معاي
مثل شجره ابقه انتظر جیت الماي
هیچ اظل اعلیك بویه متااني...
.
یبویه من یوم الرحت عنی غبت
تاه فکري وتیهِت اسنیني
گمت اتذکر گبل بردان اجيك
تذب بشتك علی و تغطیني
هسه ما دفاني بشتك لا یبوي
تقبل بگبرك اجي ادفیني
.
«بشتاك»
#ابرد من شته فرگاك بشتاك
#ودفه من اشمن ریح بشتاك
#مو بس سنه لو سنتین بشتاگ
«اظل اشتاگ الك حد المنیه»
.
.
لشاعرهااا:کمال مهدی إلمیّاحي
**************************
: *بیه واهس من تجینی...
*تغمض الماتغفه عینی...
#بیه واهس ارد اطیر
#بوصفة الفرحه احیر
#بیه واهس من أنام
#بس أشوفك بل أحلام
#بیه واهس من أشوفك
#بحظنی اظمك ما أعوفك
*لحدما تگضی سنینی...
#انته جنه
#انته النه
#انته وحدك
#ماکو مثلك
*انته بس انته الگدر یملك حنینی...
#انته بس انته حیاتی
#یمك اتمنه مماتی
#انته بس انته الوحید
#گلبی غیرك مایرید
#حته لو جابو بدیلك
#هم اعوفنه وجیلك
*آنه شجره وانته مای وادری بیك انته الی بس تروینی...
#بیه واهس من تفوت
#الزم الصفنه وسکوت
#و ارد اسئلك یاحبیب
#شرایك بقسمه و نصیب
#انته الیه و آنه الك
#فدوه جاوبنی اسئلك
*خل ابیعن روحی الك وشرینی...
#خل ابیعن روحی الك
#واجی خطابه لهلك
#رحت آنه لطبیب
#گلی مرضك مایطیب
#وآنه جیتك یا حبیبی
#انته بس انته طبیبی
*دوا غیرك مایفید تعال فدوه اشفینی...
#تعال فدوه اشفینه
#جیب بس طارینه
#وآنه بل خدمه اجیك
#وحط روحی بین ایدیك
#انته تأمرنی أمر
#وآنه اضحیلك عمر
*وآنه چلمه بگلبك انته اترید بس احچینی...
#گلی یاشاعر یوصفك
#وبجمالك ماکو منك
#داخ بیك انته اجمال
#و دوخت حته کمال
#انته ابد ماتلمس
#انته یل شکلك شمس
*روح غاد اشویه لا تعمینی...
#ارد اوصفنك گمر
#لا شنو هذا الحجر
#اذاً محد یوصفك
#وبجمالك یوصلك
#نخله ما بیه تمر
#لئن فایتنی عمر
#بس الیه تقربت
#برم صدگ حملت
*لئن شفتك هیه اجت تسگینی...
.
لشاعرها:کمال مهدی إلمیّاحي
**************************
: یل ترید اتروح اخذ الگلب ویاك
ومن ترجع بذاك الیوم رجعه
مایوجعنی یمکن لمن اتروح
بس متأکد آنه الراح اوجعه
گلبی ایموت لو فارگته لحظات
شلون اتگول روحه ابلایه رجعه
مارید الگلب هاك اخذه ویاك
لا ینفعنی گلبی ولا انفعه
گلبی المایرد من رحت ظل اینوح
و اقنعه حاولت مگدرت اقنعه
شنهی من گلب عندی شکثر وفای
تدری من یدگ بسمك اسمعه
مارید الگلب خلصنی منه ارجوك
هاك الگلب بیدك یلا اشلعه...
((کلمات:کمال مهدی إلمیّاحي))
**************************
: واللّه حایر
دایخ ودوخه چبیره
صافن واشرب جگایر
واللّه حایر
المحب ناوی السفر
و آنی موتنی القهر
عیونی ذبلهه سهر
حرت مابین آنه اکفر
لو اظلن ابقه صابر
واللّه حایر
هو من یمی مشه گلبی روحی ویاه مشن
عیونی من کثر البچی بعد ما شوفن عمن
الیجی والمایجی صار ملبوسی الچفن
آنی مالی حیل اصبر
رایح ابنص المگابر
واللّه حایر
لازم الصفنه وسکوت
ابقه عایش لو اموت
والوکت منی یفوت
ولیش اظلن حایر آنی
راح اموتن وامشی یم اللّه اسافر
واللّه حایر
کمال إلمیّاحي°
*****************************
: اذا تسئلنی أحبك نعم حبیتك
ابکثر ماچنت أحبك هسه کرهیتك
گبل چنت احله بشر انته ولك
هسه گلی شصارلك وش بدلك
گبل چنت انته الی و آنه الك
هسه عفتك الهم و خلیتك
هسه عفتك بعد ماکو رجعه لا
و الگلب جاوبنی گال آنه معا
ردت ینسه شو نسانی و ما نسا
کون اصبع گلبی چا عضیتك
گتلك انسه الخانی شو مانسیت
بلوه های شلون بیك آنه ابتلیت
شفته یغدر بینه انته و ماحچیت
راح اشلعنك خلص ملیتك
راح اشلعنك بعد مالك مکان
تهجر الطیبین وتماشی الخان
صوچك انته ولا تذبه اعله الزمان
حیل ویاك وشفت تالیتك
حیل ویاك ارداصیحن بعله صوت
ارد اصیحن کافی ملیت السکوت
بعدك اتسلم علیه لمن یفوت
ماتوب شکثر ماچویتك
ماتوب ومانفع بیك الحچی
غرگت صیاحی وك امن البچی
وی دگاتك احس کلمه تجی
اسم هذا الگلی بس صف نیتك
=====================
((صف نیتك گلی وخانانی))
~~~~~~~~~~~~~~~
((کلمات : کمال مهدي إلمیّاحي))
*******************************
: عین ابعین صایر تحچی ویای
وجای اتگلی من هل لحظه ناسیك
گبل تخجل اعیونك لو علی جای
هسه العین وکحه من الاگیك
سئلته شغیرك متگلی یهوای؟
شجاك شمالك انته اشخیرك اشبیك؟
ردلی بصوت عالی عمی الك حای
ما حبك اکرهك ما اماشیك
کسر گلبی ولکن ضحكت شفای
گلتله اسمع کلامی خل احاچیك:
احذرك یل عفتنی و عنی مشای !
درب الچلب عل گصاب اخلیك...
کمال إلمیّاحي
******************************
: اذا تسئلني أحبك نعم_طبعاً
عشگك بل گلب مطبوع_طبعاً
یلي بروحي حبك صار_طبعاً
شیغیر الطبع غیر المنیه...
کمال إلمیّاحي°