الشاعر امین ابوذهب عبیات
قصیده حزن
عنوان القصيده ** الفقیر الحزین **
امین ابوذهب عبیات
يفتر بالعكس ضد الفقير الكون
وصعب دوم اليريده ومايصح مره
مقياس البشر للأسف صار المال
لوعنده البشر لو محد يقدره
الغني طگ الفقير گدام كل الناس
وكلها الناس رگضت جنها متحضره
وعلى المگرود رگضو كلهم ايصيحون
خدك ليش يضرب جفه ويصطره
من فگري عشت چا من اموت اشلون
وهسه اني متت والمات من فگره
خلصت العمر وي هاجس الحرمان
وعلي هذا العمر كابوس معتبره
من يوم الصرت ومگمط انه ابعوز
وفاطمني الوكت على الاه والحسره
ومشيت ابدرب هم ابشط من السيف
واحر من الجمر وبوحدي ابصحره
وشفت شجره وگلت يمها انتجي وارتاح
ومن خليت ظهري ادنت الشجره
( قصیده حزن)
عنوان القصيده **الفقیر الحزین **
امین ابوذهب العبیاوی
*******************
اشهم یبقه شهم ماواحد علی لاء
رچیچ الگلب من خلی علی لاء
: یولفی اشبیک ماتنشد علی لاء
تمر وتشوف مات العگل بیه
جدید
.
ك:امین ابوذهب العبیاوــــي
*******************
تانیتک اسنین وماهی بس اسنین کلیوم ابغیابک عام احسبنه
بطرانه الاوادم اترید عود انساک بس ابصوت عالی وصحت احبنه
مایدرن ابعینی امسودنات ادموع بس آمر واگلهن دمعی هلنه
و مایدرن ادیه الصنعن التابوت بغیابک اکید الموت اجیبنه
عندی الموت اهون لو تضل ابعید اموتن حتی ایدیکم یدفننه
دفتر عشرتک ناگص بعد خطین ترجع لو نهایت حبنا اکتبنه
ترجع لو اسدن باب حبی اویاک بیدی اطلع دلیلی ونار اشبنه
ترجع لو اخیط اجفونی فوگ العین لازم غیر واحد ما اشوفنه
ترجع لو اودی الشکوه للعباس و ابنحر الشهید احسین احلفنه
ترجع لو اهیجن ما ارد للبیت اسکن بالخرایب و اترک الجنه
ترجع لو اسولف قصتی بین الناس اعوفن هالسکوت وثوبی اشگنه
ترجع لو ابطل ما اضوگ الزاد و الحد ما اشوفک عمری اصومنه
ترجع لو اضل اشکی لحد ما موت و امعاتب صورکم ما اعوفنه
اعرف صخره گلبک مایحن هیهات بس گلب الصخر هم آنه اکسرنه
ما انساک ابد و اگطع وعد ویاک والله او غیر بابک ما ادگنه
کلمات::______: الشاعر القناص امین ابو ذهب العبیاوــــــــــــــــــــے
********************
فاهی وچن جمر مرات حسبه
تجینی: وبدمع مهضوم حسبه
یگلی حسبه الولف حسبه
شحسبه وهوه زارع مرض بیه
جدید94/4/19
.ك:امین ابوذهب العبیاوــــي
*************************
، چن طفل لل محبوب یدمن
دلیلی:ویندعی الاحزان یدمن
دهری الماقبل یدی قبل یدمن؟
قبل ید الگصو وگطعو بیه
جدید 94/4/18
.ك: امین ابوذهب العبیاوــــي
**********************
، ابحزن وبهظم وبقدر همی آنه
ابدلیلی : بصوت صاح الولف همی آنه
حلو همی لا لا العفو همی آنه
یگولنه هم نذل مزروع بیه
حشه القاری
ك:أمین ابوذهب العبیاوــــــی
*************************
، یدنیه لم لمی ارباعچ وربعی
منی: وگلبی صار ابحقد ربعی
حسافه الچانو الحد امس ربعی
قدو شمات کل فرد ابنویه
ك:امین ابوذهب العبیاوی
********************
، یلاهی افراگ المحب کلش یسلنی
ونغم نای الطرب گاییم یسلنی
فرح مامش بعد بیه یسلنی
عله افراگ المحب ولجفو بیه
جدید
ك امین ابوذهب عبیات
************************
، وحگ الی ابحزن گامت سرتلل
کفر : وبفگدت اخوته سرتلل
وعلی ابضلتک یاولفی سرتلل
کلام الله الفتح نیلین بیه
جدید 94/4/17
.ك:امین ابوذهب العبیاوی
*************************
جسمی و گلبی لل محبوب یرحل
حسافه اعله الصدیق ابظیج یرحل
عضیدی ابیوم صار الطگ یر حل
حبل الهرم صکه علیه
------------------------------
جدید
:ك امین ابوذهب العبیاوــــي
**************************
شخصي اعتقد بس الحزن حل بی
لئن طحت ويصيح الولف حل بی
حبل عجدتي شفت ادورحل بی
شامت والولف حط عكر بيه
ك امین ابوذهب عبیات
************************
عضیدی ابألم من ضهری تلالی
سهم: چن خله کل شامت تلالی
کتاب القدر کل ورگه تلالی
کرهت الربع ولبیهم اذیه
حشه الطیبین
جدید
:امین ابوذهب العبیاوــــــی
1394/4/2
*********************
لاتضن ابغبت ال محبوب یسلاک
دلیلی:ابدربل الغبر هیهات یسلاک
لا ازرع شجر لا نخل یسلاک
یولفی القربلت وگطعت بیه
🌹جدید🌹 94/4/18
.ك:امین ابوذهب العبیاوــــي
************************
، دلالی ابقصد و بسهم حشه
زمانی:وبیه کود اهموم حشه
وعلی حشه موکل زین حشه
ذاک: الغبر لیعیل بیه
حشه القاری
جدید94/4/18
.ك:امین ابوذهب العبیاوــــي